Capфpaykя hoф, capфitя goikд, norфchayngд capфpaykя niж, siф ceдlayд jitфciя waя tiiaфtiokд ayфkiф, inфuiф hayдlayд jitд waя boф luiд horф chuяsoiф, iяsuф siф korngя waя boф chuф tuaф.
十八號，十一月，兩千十八年，是一個日期我定著會記，因為彼個日我無鐳予厝稅，意識是講我無厝蹛。
The 18th of November, 2018, is a date I will remember because I didn’t have money for house rent on that day, meaning that I didn't have anywhere to stay.
Waя boф lorф kiiaж liauя. Waя binфphoiж cinф kauф. Waя haekф tiя Facebook. Waя korngя waя suяiauф langж pangдbangж. Kiaytдkorя, waя ciaя uф norфkaiф "like" nyaф.
我無路行了。我面皮真厚。我下置Facebook。我講我需要人幫忙。結果，我才有兩個"like"呢啞。
I had no way to go. I had a thick hide. I used Facebook. I said I need help. As a result, I only had two "likes."
Boфhuatф liauя. Waя siiorфtiokд haдmikд, waя coф haдmikд. Waя siiorф haдmikд langж, waя maфsiф WhatsApp hayдlayд langж. Kiaytдkorя, waя kiaф horф norфpakя gorфcapд langж. Waя korngя waя aiя ciokф chitяchayngд gorфpakя khorд.
無法了。我想著啥物，我做啥物。我想啥物人，我嘛是WhatsApp彼個人。結果，我寄予兩百五十人。我講我愛借七千五百箍。
Aдyaд!! Ciakфlatд!! Capфkaiф langж inф nyaф. Capфkaiф langж laiфbinф, lakф kaiф langж korngя iдlangж boф panфhuatф pangдbangж waя. Laiфbinф siяkaiф langж, ceфkaiф langж nyaф korngя iд ayф pangдbangж tamфpokд nyaф. Iд cinфcinд horф waя tamфpokф luiд nyaф. Iд siф boфkorngя cinфciiaд hoяgiakд. Iд kauя ciakд, kauя chayngф nyaф. Chunд ayд langж kaдliauя korngяtangд korngяsaiд. Iдlangж horф cinфciiaд cayф boфiiaя boфciakф ayд liфiuж. Iдlangж maфsiф boф inф waя ayд tiaynфuaф.
哎呀!! 食力!! 十個人應呢啞。十個人內面，六個人講伊人無辦法幫忙我。內面四個人，一個人呢啞講伊會幫忙淡薄呢啞。伊真真予我淡薄鐳呢啞。伊是無講真正好額。伊夠食，夠穿呢啞。剩的人合了講東講西。伊人予真正濟無影無跡理由。伊人嘛是無應我的電話。
Oh! It is serious! Only ten people responded. Six out of ten people said that they couldn't help me. Only one of the four people said he would help a little. He really gave me a little money. He was not really rich. He had enough food and clothes. The remaining people talked about this and that. They gave so many completely untrue reasons. They also didn't answer my call.
Langж suяiauф payngфiuя ayд siж, kaдliauя langж maфsiф siamяsaiфhorngд. Ceдlayд siф korngя iдlangж siф boфiiaя boфciakф ayд payngфiuя. Kaдliauя langж cauя huuiфhuuiф. Chunд hayдlayд payngфiuя tuaф langя ayд singфkuфpiiд ciaя siф ciiaяciiaф ayд payngфiuя. Waя cinфciiaя kamфtongф. Waя ayд bakфiuж tiфtiф lauж. Ceдpayngж langя ayф ciiaяciiaф khuuaяtiokд haяmangж ciiaяciiaф siф langя ayд hoя payngфiuя.
人需要朋友的時，合了人嘛是閃西風。這個是講伊人是無影無跡的朋友。合了人走遠遠。剩彼個朋友蹛咱的身軀邊才是正正的朋友。我真真感動。我的目油直直流。這旁人會正正看著啥人正正是人的好朋友。
When people need friends, they will be able to get along with each other. This is about Yiren being a friend without trace. Go far away after getting along. The only friend left is the right friend who is swaying around our body. I was really moved. My eye oil is direct current. People here will be watching someone who is a good friend of someone.
Lorkдboiя waя boф panфhuatф. Waя boф luiд hayngф chuяsoiф. Waя boфhuatф tiokф puuaд. Aдlaдmakф!! Waя boф uiф khunф. Waя boф uiф tuaф. Cinф kheфliaynж.
Waя kiiaжlaiж kiiaжkhiф siangж kakя siauяlangж cinфciiaд kaykяsimд. Waя siioфtangд siioфsaiд, anдcuuaя kaiяkuatф waя ayд bunфtayж. Amяmaeж liauя. Cinфciiaд amф liauя. Thiiд amяborngфborngд, orфsoфsoж. Horяkaфcaiф boф lokфhorф. Waя cinф huanфloя tanфsiф layя, maфsiф hoяchioф.
Siiorфtiokд ceфtiauф kuaд, teф chiiorяkuaд. Stephanie Sun ayд kuaд: "Thiiд orфorд, bueя lorkфhorд".
Waя kaykяsimд, aдnaeд khangфkhorя, maфsiф ayф chiiorяkuaд. Ceдlayд siф hoяsuф.
Langж korngя, soiд ayд siж, tiokф cinфciiaж soiд, iяsuф siф korngя: soiф ayд siж, tiokф taфtakфtauя soiд. Hayдlayд soiд tioфsiф siangж kakя duфliaynж phakяkaфlauж boфthayngж-boфthayngж. Kauяgiakф soiд!!
Waя kiiaж tiя kaeфlorф, emфcaiд aiд khiя torдlorkд. Boф cayфaeф nyaф, waя ayд luiфpauд horф langж phakдchiiorя!
Hayдlayд chatд chiiorя waя ayд luiфpauд. Hayдlayд chatд maфsiф kauяgiakф soiд.
Waя ayд luiфpauд laiфbinф, boф cayфluiд punя. Soiд boф soiд, waя ayд tayngфkiф tiя laiфbinф.
Waя tuiд hayдlayд chatд. Iд cauя, waя tuiд.
Aдlaдmakф!! Hayдlayд chatд, boф hoяunф. Ceфtayngя chiaд, kiiaж cinф khuaiф, siangж kakя horф kuiя tuiд. Ceяtayngя chiaд lorngф siя hayдlayд chatд!
Miaяcaiф ayд siж, waя ayд "hoя payngфiuя" pangя horngфsiiaд korngя waя horф chiaд lorngф siя liauя! Hayдlayд sinфbunж chuanж kauя cayфsiяkayф, siangж kakя BBC ayд sinфbunж poяkoф: taфtakф langж korngя waя siя liauя!
Caykяakф loф! Norфchayngд gorфpakд langж siaя tiя Facebook, korngя iдlangж batф waя, korngя kakф waя cinфciiaж hoя. Waя thiiaдkorngя waя ayд "cinфcinд" ayд hoя payngфiuя, kaдliauя langж hapфcokф anфpaiж ceфlayж uiяuanфhoiф. Iдlangж kiaynд capфpaykяchayngф khorд. Hayдlayд luiд siф horф chaeфmaeж ayд langфkhaekф ciakд. Chamфchamд cuanфporф ayд bikфkiiaф, siangж kakя tokдtayngя, kauфiiя kakф khiфkhiдkhorkяkhorkф ayд bikфkiiaф.
Iдlangж sangф waя ceфlayф kuaфchaж tatд ceфchayngд gorфpakя khorд. Hayдlayд siф cunдcunя waя aiф ayд luiд hayngф chuяsoiф! Kaдliauя chinфciiaж maфsiф laiж waя ayд ceфmaeж. Iдlangж giaф ceдlayд kiфhoiф laiф kiiяbinф. Paekфkimд nyaф, iдlangж siuд saaфchayngф khorд.
Thiia tiokд sinфbunж waя siя liauя, taфtakф langж tanфtanд cauя laiж ceфmaeж inфuiф aiя pangдbangж waя ayд paekфsuф. Iдlangж inя saaд.
Waдlauфayд!! Iдlangж inф waя ayд binф tuaф tiя T-shirt ayд binфcayngж. Iдlangж bayф ceфtiauф saaд jiфcapфgorф khorд. Ciiaяciiaф siuд tiokд saaд ayд luiд, uф jiфcapф gorфchayngф khorд!
Tuaф tiя chuяsuuaд ayд jitд, taфtakф langж maжsiф aiя giaф kiфhoiф korngяuaф.
Siangж kakя TVB ayд tiaynдtaiж. Uф langж korngя, waя cinфciiaд gauж. Uф langж korngя, waя cinфciiaд hoя. Ciiaяciiaф korngя, waя mфbatф hayдlayд langж kaдliauя. Ciiaяciiaф bat waя ayд payngфiuя, boф kiфhoiф korngяuaф. Iдlangж siф cinфcinд caiд waя ayд bunфtayж.
Waя bayф lunя kakф hayдlayд emфsaaдemфsiф langж. Waя kiiaж chutяlaiж. Kaдliauя langж tiokфchaaeфkiiaд. Iдlangж siiorф iдlangж khuuaф tiokд kuiя.
Kauяlatд!! Ciakфlatд!!
Ciiaяciiaф langж khangфkhorя ayд tiamяsiiaд, hayдlayд payngфiuя tuaф langя ayд singфkuфpiiд siф langя ayд ciiaяciiaф ayд payngфiuя. Uakд ayд langж, tioф boф langж kuanя. Siя ayд langж cinфciiaд yauдkinя.
Ceдlayд siф ciiaяciiaф sayяkaiф kiфnaяjitд.
Ceдlayд tioфsiф sayяkaiф ayд mauжtunя!
Chamфkhoя https://www.penang-traveltips.com/hokkien/2021-1st-prize.htm
Comments
Post a Comment